Hvar var Þorsteinn? – II

Getur þú, lesandi góður, sagt okkur eitthvað um þessa mynd? Hvar er hún tekin og hvenær, hverjir og hvað er á myndinni og annað?

Myndin er úr safni Þorsteins Jósepssonar, ljósmyndara, en á Safnahelgi 4.-6. nóvember verður greiningarsýning á myndum hans í Húsinu á Eyrabakka.

Þorsteinn (1907-1967) var mikilsvirtur landslagsljósmyndari sem ferðaðist um allt Ísland í ljósmyndaleiðöngrum sínum. Eftir hann liggur mikið af þjóðlífmyndum.

Alls verða um 500-600 myndir á sýningunni frá árunum 1940-65. Sýningin er haldin í samstarfi við Ljósmyndasafn Íslands í Þjóðminjasafni.

Upplýsingar má senda á linda@husid.com eða hringja í Byggðasafn Árnesinga í síma 483 1082.

Þess má geta að fleiri myndir frá Þorsteini birtast í Sunnlenska fréttablaðinu þessar vikurnar.

TENGDAR FRÉTTIR:
Hvar var Þorsteinn? – I

Fyrri greinAðeins fjögur laus störf
Næsta greinTekist á um skólaakstur í sveitarstjórn