Skokkari réðist á 12 ára dreng

Ráðist var á 12 ára dreng utan við Arion banka við Breiðumörk í Hveragerði um kl. 19:30 í gærkvöldi.

Drengurinn hafði ásamt tveimur félögum sínum verðið á götunni er þeir sáu til manns á skokki. Piltarnir tóku upp á því að grínast og elta manninn. Skokkarinn brást við með því að stöðvað snarlega og veitast að einum drengjanna með því að slá hann í andlitið, taka hann kverkataki, keyra hann niður í gangstéttina, sleppa taki á drengnum og hélt að því loknu sína leið. Drengurinn hlaut minni háttar áverka en var nokkuð skelkaður eftir meðferðina.

Maðurinn er sagður vera hávaxinn á milli 30 og 40 ára. Hann var klæddur í bláa íþróttapeysu, svartar joggingbuxur með svitaband um enni. Lögreglan svipaðist um eftir manninum en fann ekki. Lögreglan á Selfossi biður alla þá sem veitt geta upplýsingar um atvikið eða þekkja til lýsingar mannsins að hafa samband í síma lögreglunnar 480 1010.

Fyrri greinSlæmt ferðaveður undir Eyjafjöllum
Næsta greinEkið á hross í Landeyjunum