Framkvæmda- og veitustjórn Árborgar hefur samþykkt að láta kanna möguleika á rennslisvirkjun í Ölfusá.
Framkvæmdin yrði sameinuð byggingu nýrrar Ölfusárbrúar, í stað brúar yrði ekið yfir stíflu. Nái áformin fram að ganga yrði virkjun að veruleika árin 2014 eða 2015. Rennslisvirkjun sem þessi myndi framleiða á bilinu 15 til 45 megavött og myndi skapa tvö hundruð störf á meðan á byggingu stæði.
Elfa Dögg Þórðardóttir, formaður framkvæmda- og veitustjórnar, segir að við fyrstu skoðun virðist fátt standa í vegi fyrir virkjun. „Við höfum ekki efni á öðru en að skoða málið. Hreinn hagnaður yrði á bilinu 500 til 1500 milljónir á ári. Skuldir sveitarfélagsins hyrfu þannig á skömmum tíma.“
Sjá nánar í Sunnlenska fréttablaðinu.