Gosið liggur niðri

Eldgosið í Eyjafjallajökli liggur nú niðri en jarðvísindamenn segja of snemmt að lýsa yfir goslokum.

Í dag lagði gufumökk upp af gígnum en hann hvarf þegar leið á kvöldið. Þegar flogið var yfir gíginn um kl 15:30 í dag mældist mestur hiti á hitamyndavélum tæpar 100°C. Ekki sást til gígsins vegna gufu en engar vísbendingar voru um að kvika kæmi upp.

Óróinn heldur áfram að minnka og er að nálgast það sem hann var fyrir gos.

Fyrri greinInnbrot og árekstrar í umdæmi Selfosslögreglu
Næsta greinSporttæki/Gröfutækni með lægsta tilboðið