Leitað að bíl í Ölfusá

Neyðarlínan fékk tilkynningu um að fólksbíll hefði farið út í Ölfusá við Básinn austan við Selfosskirkju laust eftir klukkan hálfellefu í kvöld. Víðtæk leit stendur yfir á ánni og bökkum hennar.

Oddur Árnason, yfirlögregluþjónn á Selfossi, sagði í samtali við sunnlenska.is að sjónarvottur hefði séð bílinn fara í ána og haft samband við Neyðarlínuna. Ekki er vitað hversu margir eru um borð í bílnum.

Björgunarsveitir hafa verið kallaðar út ásamt slökkviliðs- og sjúkraflutningamönnum auk þess sem þyrla Landhelgisgæslunnar er á leið til leitar ásamt köfurum úr slökkviliði höfuðborgarsvæðisins.

Áin er mjög djúp og straumþung á þeim stað sem bíllinn hvarf í vatnið.

Fyrri greinTónleikar til styrktar Halldóri Snæ
Næsta greinÞórir Geir sigraði með glæsibrag