Reisa á veitingastað og eldfjalla- og náttúrusetur á Hvolsvelli og munu framkvæmdir hefjast á haustdögum. Áætlaður kostnaður er um milljarður króna og munu um tuttugu manns fá vinnu á staðnum.
Að framkvæmdinni standa Skúli Gunnar Sigfússon og Sigmar Vilhjálmsson en þeir hafa ráðið Ásbjörn Björgvinsson sem framkvæmdastjóra eldfjallasetursins en hann stjórnaði m.a. Hvalasetrinu á Húsavík og er formaður Ferðamálasamtaka Íslands.
Húsið mun standa við þjóðveg 1, milli spennistöðvar RARIK og söluskála Bjarkarinnar og verður á milli tvö og þrjúþúsund fermetrar að stærð.
Staðurinn mun opna vorið 2016 en á staðnum verður einnig glæsilegur veitingastaður og minjagripaverslun.
Sjá nánar í Sunnlenska fréttablaðinu